Xafiiska xidhiidhka dadweynaha oo daahfuray Telesom Shabeel Cup 2021
Post by Admin, Aug 31, 2021.
HARGEISA-[TELESOM] Waxa maalintii Jimcihii lagu daahfuray garoonka Cali Gadhle ee magaaladda Hargeisa Telesom Shabeel Cup 2021. Koobkan ayaa ah mid sannadle ah oo loo qabto shaqaale waynaha Telesom Group. Sannadkan ayaa noqonaya sannadkii 5aad oo xidhiidha ee koobkan la qabto. Maamulaha xafiiska xidhiidhka dadweynaha ee Telesom Yaasiin Nuur Mooge iyo Agaasimaha waaxda ciyaaraya ee Wasaaradda Ciyaaraha iyo Dhalinyarada Somaliland C/rashiid Caydiid ayaa si wada jira u daah furay tartankan.
Asaasihii tartankan oo ahaa C/risaaq C/lhai Cali Shabeel oo imika ku sugan waddanka Canada ayaan isagana halkan lagu xusay looguna duceeyay in ILLAAHAY caafimaad taama siiyo.
Tartankan ayaa ay ka qayb gali doonaan 8 kooxood oo kala ah; Telesom, Darasalam bank, Somgas, Zaad, Taaj, Telesom Electric Company, Kaabsan iyo Dhaweeye. Waxa xusid mudan in dhammaan ciyaartoyda kooxahani yihiin Shaqaale waynaha Telesom Group oo keliya.
