Shirkadda Telesom oo ku dhawaaqday guulaystayaasha wajiga koowaad ee barnaamijka Aroos wacan
Post by Admin, Sep 6, 2020.
Shirkadda Telesom oo ku dhawaaqday guulaystayaasha barnaamijka Aroos wacan
Hargeisa - (Telesom) - Shirkadda Isgaadhsiinta casriga ah ee Telesom ayaa soo kordhisay barnaamij lagu taageerayo dhallinyarada oo loogu magac daray aroos wacan, kaasoo dhallinyarada ku dhiirigelinaya guurka waxaana inta sannadka ka dhiman lagu taageeri doona 30 qoys.
Barnaamijkan ayaa midayn doona 60 dhallinyara ah, waana adeeg si fudud macaamiisha kala duwan ee ku xidhan shirkadda telesom si lacag la’aana uga qayb geli karaan.
Telesom ayaa daahfurtay munaasibadda wajigii koowaad ee guulaystayaasha barnaamijka Aroos wacan, waxaana kasoo qayb galay masuuliyiinta shirkadda telesom, Wasiiradda Wasaaradaha isgaadhsiinta, shaqo gelinta, arrimaha dastuurka, ciyaaraha, guddoomiyaha dallada dhalinyarada ee sonyo, culumaa udiin, xildhibaano, siyaasiyiin iyo dhallinyaro tiro badan oo sugayay natiijada ku dhawaaqista guulaystayaasha.
Barnaamijkan oo bulshadu baahi weyn u qabeen ayaa waxa soo codsaday 200,000 oo qof, waxaana ka faa’idaysan doona 30 qoys.
Maanta ayaa lagu dhawaaqay 12ka guulayste ee ugu horreeya barnaamijkan Aroos wacan.
